Fyrsta sem þarf að hafa í huga áður en lagt er í kássuna er að þið þurfið að hafa nógann tíma; fjórir tímar er lágmark og þar af eru þrír tímar suðutími, en því lengur sem kássan mallar því betri verður hún. Sömuleiðis þarf að hafa stórann pott, gjarnan með þykkum og þungum botni. Ég nota gamlann grjótþungann Hackmann pott úr svörtu pottjárni, sem verður bara betri með árunum. Hann lítur reyndar út eins og lítil börn geti horfið ofan í hann en við höfum alltaf fundið krakkana aftur eftir kássugerð.....

kjötið:   gott nautagúllas; 1200 gr hveiti, 100 gr flögusalt pipar, svartur nýmulinn olía til steikningar, helst ólífuolía (ekki virgin) annað: kartöflur, 600 gr 4 stórar gulrætur 4 stilkar sellerý 2 miðlungs rauðlaukar 4 - 6 hvítlauksrif 2 paprikur, græn og/eða rauð	2-4 vorlaukar (má sleppa) 2-4 ferskir rauðir chilli 1 pakki beikon sveppir, 250 gr (má sleppa) 3 dósir niðursoðnir tómatar 2 dósir nýrnabaunir dágóð sletta af rauðvíni krydd: Tasty nautakraftur í flösku Halen Mon flögusalt svartur pipar úr kvörn chilliduft papprikkuduft

 
Byrjið á að undirbúa kjötið til steikingar. 
Kaupið gott tilbúið gúllas eða kaupið góðan bita (jafnvel lund) helst með innfitu og skerið niður.  Blandið saman hveiti, salti og pipar gjarnan í stóran plastpoka.  Setjið gúllasið útí pokann, mátulega mikið í einu til að hægt sé að hrista saman kjötið og hveitiblönduna til að þekja alla bitana alveg.  Endurtakið þar til allt kjötið er vel þakið hveiti.  Geymið hveitiþakið kjöti í skál.

Undirbúið því næst annað innihald:
Skrælið og skerið 600 grömm af kartöflum í báta.  Skerið fjórar stórar gulrætur og fjóra sellerý stilka í sneiðar.  Tveir meðalstórir, rauðir laukar, afhýddir og sneiddir í þunnar sneiðar.  Fjögur til sex hvítlauksrif eftir smekk, afhýdd og skorin í mjög þunnar sneiðar.  Tvær Paprikur, grænar og/eða rauðar, skornar í bita.  Tveir til fjórir vorlaukar, fínt skornir; magn eftir smekk og má sleppa en mér finnst þetta gefa ferskt bragð.  Tveir til fjórir ferskir rauðir chilli, stilkendinn skorinn af, fræin hreinsuð úr og ávöxturinn sneiddur fínt; farið varlega í þetta, ef þú ert ekki vanur að nota ferskt chilli í mat slepptu þessu þá!!  Bacon, einn pakki skorinn í strimla; mér finnst best að nota baconstrimla frá Ali.  Sveppir, skornir í bita (má sleppa en fínt að nota það sem til er í ísskápnum)

 
Svo hefjumst við handa; hafið heitt vatn við hendina:
1.  Setjum olíu í pottinn og kveikjum undir, fullann hita á stórri hellu eða stórum gasbrennara.   Veljið eins heilsusamlega olíu og kostur er, olífuolíu eða sambærilega, ekki samt virgin olíu því þær passa illa til steikingar.

2. Setjum hveitiþakið kjötið í pottinn þegar olían er orðin vel heit, ekki allt kjötið í einu heldur bara nóg til að þekja botninn í pottinum.  Brúna kjötið vel á öllum hliðum, þar til það er farið að steikjast vel.  Tekur svona 7 til 10 mínútur fyrir hverja botnfylli í pottinum.  Fylgist vel með, hrærið reglulega og gætið þess að hveitið klessist ekki í botninn á pottinum.

3. Setjist steikta kjötið í skál og látið bíða.

4. Bætið meiri olíu í pottinn ef þess þarf.

 
5. Setjið baconstrimlana, sneidda laukinn og  hvílaukinn í pottinn, látið steikast, hrærið öðru hvoru.  Bætið niðursneiddu sellerý við eftir smá stund og steikið með.

6. Þegar laukurinn er orðinn vel glær, bætið þá öllu kjötinu saman við og hrærið vel, látið steikjast í smá stund.

7. Hellið rauðvíni hægt og rólega yfir; magnið þarf að svara til þess að helmingur þess sem er í pottinum fari á kaf.

8. Bætið heitu vatni rólega í pottinn þar til topparnir á því sem er í pottinum standa aðens uppúr; ég vil ekki nota kalt vatn en það er kanske bara sérviska í mér.

9. Látið suðuna koma upp, lækkið svo hitann niður nánast ekkert og setjið lok á pottinn.

10. Hellið rauðvíni í glas, setjist niður og slakið á en hafið auga með pottinum því hitinn má ekki verða of mikill og það þarf að hræra öðru hvoru til að ekki brenni við í botninn.

11. Eftir svo sem klukkutíma suðu er gott að bæta við gulrótunum og papprikkunni.  Sömuleiðis hefur vökvinn minnkað það mikið að það er gott að bæta tómatdósunum við núna; setjið vokvann úr dósunum líka.  Ef þér finnst vökvinn hafa minnkað of mikið, bætið þá við heitu vatni.

12. Ef þú ætlar að nota ferskt chilli og vorlauk í kássuna þá á það að fara samanvið núna.  Munið að fara varlega með chilliið nema þú vitir alveg hvað þú villt.  Kássurnar geta orðið mjög bragðsterkar.

 
13. Bætið svo sem 2-3 teskeiðum af paprikkudufti samanvið, hrærið vel.

14. Setjið lokið á aftur og látið sjóða í klukkutíma, hrærið öðru hvoru.

15. Eftir tveggja tíma suðu þarf að bæta við smá vökva.  Það fer eftir smekk hvort þið notið rauðvín eða heitt vatn – kanske ögn af hvoru.

16. Látið suðuna koma upp, lækkið hitann aftur.

17. Smakkið sósuna til í rólegheitum með Tasty nautakrafti, salti og pipar, paprikkudufti og chillidufti.

18. Þegar bragðið er orðið eins og þú villt hafa það skaltu athuga að kjötið sé orðið mjög meyrt, nánast þannig að það sé hægt að ná bitunum sundur með skeið.  Ef kjötið er orðið svo mjúkt skaltu bæta kartöflubátunum útí og hræra vel í.  Láta suðuna koma upp, setja lok á pottinn og láta malla í 20 mínútur.
a. Ef þú ætlar að setja sveppi samanvið þá gerðu það eftir að kartöflurnar fara saman við.

 
19. Þegar kássan, með kartöflunum samanvið, hefur mallað í 20 til 25 mínútur skaltu bæta við 2 dósum af nýrnabaunum.  Bassaðu að þetta séu bara baunir en ekki þessar tegundir þar sem það er sósa með – þá fer bragðið af kássunni alveg í vaskinn.

20. Láttu malla í 15 mínútur eftir að baunirnar fóru saman við. 

21. Kássan á núna að vera búin að malla í 3 klukkutíma og þú átt að geta tekið sundur kjötbitana með matskeið.  Sósan á að vera þykk, rauðleit og mjög bragðmikil, ekki bara af kryddi heldur fyrst og fremst af kjötinu, víninu, lauknum og öllu þessu sem hefur farið samanvið.

 
Settu svo djúpa diska á borðið, því maður borðar þessa kássu nánast eins og súpu þó hún sé miklu þykkari en súpa.  Berðu kássuna fram í pottinum, með nógu af grófu brauði, og austu í diskana fyrir fólk.  Ég er með hvort sem er bragðmikið rauðvín eða bjór með kássunni.

Þessi skammtur dugar fyrir 6.

Heildareldunartími er um 4 klukkustundir, dágóð vinna við undirbúninginn en síðan minni við að hræra og bæta út í pottinn þegar á líður.