|
Töfrasprotinn var fundinn upp árið 1950 af svisslendingnum Roger Perrinjaquet. Hann kallaði hið nýja tæki Bamix en það er stytting á frönsku orðunum “BAttre et MIXer” sem þýðir hræra og blanda. Árið 1953 seldi Perrinjaquet hugmyndina til ESGE sem þá var nýstofnað fyrirtæki sem framleiddi reiðhjólastandara, rafknúnar sagir og rafmagnsmótora. Í lok ársins 1954 hófst svo framleiðsla á töfrasprotanum og var hann fyrst kynntur almenningi á sýningu í Hanover í byrjun árs 1955. Töfrasprotinn fékk strax mjög góðar viðtökur og seldist eins og heitar lummur næstu árin og þá sérstaklega á sýningum þar sem virkni hans var sýnd.
|
